Rwy’n poeni nawr ac angen help
Os oes rhywbeth am ymddygiad, perthnasoedd neu les eich plentyn sy’n peri pryder i chi — rydych wedi dod i’r lle iawn. Cewch arweiniad ar beth sydd efallai’n digwydd a ble i gael cymorth.
Rwyf am atal problemau
Mae’r sgyrsiau gorau yn digwydd cyn i rywbeth fynd o’i le. Cewch syniadau ymarferol, adnoddau ac offer i’ch helpu i feithrin cysylltiad, cael sgyrsiau anodd, a chefnogi eich plentyn i wneud dewisiadau mwy diogel wrth iddynt dyfu.
Mae Diogel a Saff Cymru yn rhoi’r wybodaeth, yr offer a’r cymorth i rieni a gofalwyr yng Nghymru ddeall beth gallai eu plant fod yn ei wynebu, cael y sgyrsiau sy’n bwysig, a dod o hyd i’r help cywir pan fydd ei angen arnynt.
P’un a yw rhywbeth yn peri pryder i chi ar hyn o bryd, neu a ydych am fod achub y blaen ar broblemau cyn iddynt godi — dyma’r wefan i chi.
Cael cymorth
Am Our Voice Our Journey
Mae Our Voice Our Journey yn sefydliad di-elw yng Nghymru, sy’n arbenigo mewn atal trais, trais ar sail rhywedd, a chydraddoldeb cyfle.
Ein cenhadaeth yw cryfhau lleisiau pobl ifanc a chymunedau i helpu i lunio eu taith i’r dyfodol. Drwy weithio gyda’n gilydd rydym yn ail-ddychmygu cymdeithas drwy gynllunio, profi a chyflawni datrysiadau arloesol sy’n arwain at gymunedau mwy diogel a mwy cyfartal. Cafodd Diogel a Saff Cymru ei gyd-greu gyda rhieni a gofalwyr ledled Cymru, a rannodd eu profiadau, eu syniadau a’u mewnwelediadau i helpu sicrhau bod y wefan yn ymarferol, yn gefnogol ac yn berthnasol i anghenion teuluoedd.
Mae’r wefan yn cael ei hariannu gan Gynghorwyr Rhanbarthol VAWDASV drwy Lywodraeth Cymru. Mae VAWDASV yn sefyll am Drais yn erbyn Menywod, Cam-drin Domestig a Thrais Rhywiol.